Ladawan Iti Sarming

Kumkumsenka gayamen
Nga imahen a nakabalud
Iti uneg ti saan a nauyaw
A sarming; ammom a sika
Ti kaasitgak a gayyem
Nga umisem
No umisemak; ken
Aglua no agluaak.

Ta kimat ti kinaalistom
Nga agparang iti sanguanak-
Makipagrikna iti riknak
No sanguek ti sarming
Iti pinagmaymaysak;
A pakariparak ita ti kulay-ong
A pingping nga asmang
Immabuten a matam