Ita A Rabii

Sumaplakak kenka a pul-oy,
tukonenka iti uneg ti darepdepmo
dita, ur-urayennak:

sakruyenka, agpalaista a kapas
iti tangatang, kadagiti ulep aglinnemenganta-
tumallikudak ket agkidemak,
itaraymo nga ilemmeng  ‘ta pusom,
sapulek, kakuyogko ti rimat dagiti matam.
tangadek dagiti bituen iti nalimed
ikidmatda ti nangidissuam, isublik kenka
iti panangikaemko ti barukongko iti barukongmo,
rekpak ‘ta nalag-an
a katawam kadagiti bibigko.

Kaduata dagiti kulibangbang-
inta kadagiti hardin,
pagdekketenta dagiti pingping, say-upenta
ti banglo ti aglawlaw, buyaenta ti in-inut a panagukrad
dagiti petalo ti sabong ti kayanga,
dita, makitam no kasano nga ur-urayenka.

Kibinenka iti igid ti taaw,
agay-ayamta  iti panagay-ayam dagiti dalluyon,
ket agray-aw dagiti mangrabrabii a salapingaw
a mangagek iti kudil ti danum.

Kinapudnona ita a rabii, umayak
ta ti panangkalikagumko iti ayatmo, o biagko,
layusenna unay ti punganko
a panawak iti agsapa.

By Corazon F. Quiamas

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: