Archive for Init

Tangtangadek Ti Lumlumned A Rupam

Posted in Dandaniw with tags , , , , , , , , , on June 9, 2008 by penshadow

Tangtangadek Ti Lumlumned A Rupam

Corazon Fermin Quiamas
6/9/2008 3:56:39 PM

Tangtangadek ti lumlumned
A rupam iti taaw
Dagiti aggugubal nga allon
Dagiti balikas a pataw
Kaippasngay a ragsak
Di masikog nga arapaap.

Lumnek ti rupam
A sarming ti rupak
A rupa ti sumingisingto manen
Nga init; raniagka
A pika nga iwagis
Ti natarengteng a panawen iti barukong
Ti nakarukob a langit
A mangsalpot ti puso
Ti agdudungsa a matam.

PenshadowTangTiLumARup
 

 

 

 

1 Comment »